స్టార్ మా టీవీలో ప్రసారమవుతున్న సీరియల్ 'బ్రహ్మముడి'. ఈ సీరియల్ బుధవారం నాటి ఎపిసోడ్ -350 లో.. రాజ్ కి శ్వేత ఫోన్ చేస్తుంది. ఇక అత్తారింట్లో ఉన్న రాజ్ అండమాన్ జైల్లో ఉన్నట్లుందని శ్వేతకి చెప్తాడు. నవ్వుతూనే నరకం చూపిస్తున్నారని చెప్తాడు. ఇంక సరిపోదంటు రాజ్ ఓవర్ యాక్షన్ చేస్తు.. అల్లుడు గారు మర్యాదలని చెప్పి ఉక్కిరిబిక్కిరి చేస్తున్నారంటు బిల్డప్ ఇస్తాడు. నీకు కావ్యపై ప్రేమ ఉంది. ఎక్కడ కావ్య నీకు దూరం అవుతుందోనని టెన్షన్ పడుతున్నావని శ్వేత అనగానే.. అసలు ఛాన్స్ లేదని రాజ్ అంటాడు.

ఆ తర్వాత ఉన్నపల్లంగా కావ్య బావ ఎందుకు వచ్చాడు. మీరు విడిపోతున్నారని తెలిసే వచ్చాడా.. గతంలో కావ్యని ప్రేమించిన భాస్కర్ ఇప్పుడు వచ్చాడంటే నువ్వు ఖచ్చితంగా ఎందుకు వచ్చాడో కనుక్కోవాలి.. కావ్య నీకు దూరం కాకుండా ఉండాలంటే నువ్వు తెలుసుకో అని రాజ్ కి శ్వేత సలహా ఇస్తుంది. మరొకవైపు ఇంకా ఏం చేస్తే కావ్యపై ప్రేమని‌ రాజ్ బయటపెడతాడోనని కృష్ణమూర్తి, కావ్య, అప్పులతో భాస్కర్ అంటాడు. ఆ తర్వాత కళ్యాణ్ ఇంటికి వస్తాడు. ఏమైందని ప్రకాష్ అడుగుతాడు. ఈ రోజు అన్ని రిజెక్ట్ అని చెప్తాడు.. ఆ తర్వాత అనామిక వచ్చి కళ్యాణ్ ని చులకన చేసి మాట్లాడుతుంది. మరోవైపు కావ్య వాళ్ళ దగ్గరికి రాజ్ వస్తాడు. వాళ్ళ చిన్నప్పుడు చేసిన అల్లరి గురించి కావ్య , భాస్కర్ ఇద్దరు మాట్లాడుకుంటుంటే రాజ్ చూడలేకపోతాడు. మీరు డాన్స్ చేస్తే చూడాలని ఉందని కావ్య, భాస్కర్ లని అప్పు అడుగుతుంది. ఒసేయ్ పొట్టి జుట్టుదాన నీకు ఇలాంటి కొంపలు ముంచే ఆలోచనలు ఎందుకు వస్తాయని రాజ్ తన మనసులో అనుకుంటాడు. అయిన బావ ఏం అనుకోడులే మీరు చెయ్యండని అప్పు అనగానే.. కావ్య, భాస్కర్ లు డాన్స్ చేస్తారు.. ఆ తర్వాత కావ్య అక్కడే ఉన్న నిప్పు తొక్కబోతుంటే రాజ్ చెయ్యి అడ్డుపెడతాడు. అప్పుడు రాజ్ కి చెయ్యి కాలుతుంది. అది చూసిన కావ్య బాధపడుతు.. ఏమైంది అంటు అడుగుతుంది. కావ్యకి ఏం కాకూడదని రాజ్ అలా చేసాడు.. రాజ్ లో మార్పు వస్తుందని భాస్కర్ అంటాడు.

ఆ తర్వాత స్వప్న డబ్బులు కావాలని రుద్రాణిని అడుగుతుంది. నేను ఇవ్వనని రుద్రాణి చెప్తుంది. మరొకవైపు భాస్కర్ కావాలనే నడవరావట్లేదని యాక్టింగ్ చేస్తాడు. నేను హెల్ప్ చేస్తానని కావ్య వెళ్తుంటే నేను ఉన్నాను కదా అని కావ్యను వద్దని రాజ్ వెళ్లి భాస్కర్ కి హెల్ప్ చేస్తాడు. తరువాయి భాగంలో స్వప్న మోడల్ గా డబ్బుల కోసం ఇంటి ముందు ఫోటో షూట్ చేస్తుంటే.. అందరు షాక్ అవుతారు.. నాకు డబ్బులు కావాలంటే మా పుట్టింటి నుండి తెచ్చుకోవాలని మా అత్తయ్య అంటున్నారని స్వప్న అంటుంది. మీకేం ఉంది.. అప్పుని కళ్యాణ్ కి ఇచ్చి పెళ్లి చెయ్యాలనుకున్నారు.. అందుకేగా అని అనామిక అనగానే తనపై రాజ్ కోప్పడతాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.